لا استنوا
أولا التدوينة دي خارج السياق خالص !
وقبل ما أبدأ بالمؤامرة الكونية اللي بتحصل على كل واحدة غلبانة عاوزة تعمل دايت ، هعترف اعتراف :D
فيه مثل بيقول لا تعيب عيبا في أخيك فيعافيه الله ويبتليك
ودي بداية المشكلة :D
لما صديقي العزيز إبراهيم ( في تاني ظهور ليه على خشبة مسرحي الهزلي ) يقولي ببراءة شديدة إنه عاوز يخس شوية !
أسيبه في حاله ؟ أشجعه ؟ أقوله برافو ؟ أقوله حتى زي ما أحيانا بحن عليه وأعطف وأقوله خلاص اعمل اللي يخليك مبسوط ؟ لأ طبعا لازمن أنكد عليه :D
فقعدت أتريق ، وأتباهى أدامه زي طاووس مغرور إني بخس بتلقائية شديدة جدا مع سحلة الشغل ومع شوية تظبيط بسيط في الأكل برجع بسهولة لمعدلاتي الطبيعية !
واللي طبعا بعرفها من اللبس فقط ! يعني آخر مرة اتوزنت لما كنت بحاول أكمل في سكة الجمباز وفشلت الحمد لله فشل ذريع :D
وده كان لما ....... ولا بلاش أحسن
أنا غير مهتمة بموضوع الوزن ده خالص لدرجة إني معرفش وزني ايه بس حاطة رقم تقديري ، وعارفة مقاسات لبسي كويس مع اختلاف الأقمشة والقصات وبالتالي بعرف نفسي بسرعة لما بتخن شويتين يعني ^_^
اللي حصل إني اتريقت عليه ، وتساءلت ايه ده هو فيه فعلا راجل مهتم بوزنه ( ودي جديدة عليا الصراحة أنما كل أصحابي بيعملوا دايت وده حلو جدا ليه بقى لأني باكل شيكولاتة براحتي وأغيظهم :D )
واللي حصل إني بعد أنتخة اسبوعين في البيت كان لازم أنزل الشغل !!! وإني قبل نزولي بكام يوم شبطت في أخويا ونزلت أتفرج ولو عجبتني حاجة أشتري يللا ( هواية ) المهم بردو .... أقنعت نفسي ان فيه لعب فظيع في موديلات السنة دي وانا عن نفسي اقتنعت لأني مبحبش التريكو أوي وهو بيتخن لوحده ( ده طبعا فشر للصبح لأن لو جسمك عدل كل الحاجات هتليق عليك )
اتوزنت واتصدمت بوزني وطلع ان هدومي فعلا اضيقت مش شتا ومش قولون ومش اني دبيت عالغدا قبل ما أنزل خالص !
المؤامرة الكونية !!!
قررت من يوم السبت أعمل دايت ! والحقيقة فشلت والحجة إني قاعدة في البيت !!! وعيد ميلاد ماما والتورتة وحرام وكده !
خلاص الاحد ! يااااااااااااااااااه أنا اتهديت النهاردة ومحتاجة طاقة !
بصي يا سارة بكرة !
النهاردة : 1- شربت قهوتي الصبح بسكر مظبوط
2- أكلت ساندويتشاتي !
3- تاني بريك !!! شعور عارم بالجوع الشديد ... مع ان معدتي فيها أكل !! ... تميم ! ( وتميم أجدع زميل شفته بيعمل دايت وخس فعلا وظبط أكله وكان وحش وجامد وتنين ) هاتلي شيبسي
الشيبسي بيتخن يا سارة وانت خلاص هتبدأي دايت !
صح ... طب هاتلي شيبسي بقى بدل ما أنزل أضرب برجر !
ايه ده ؟ طيب يللا وهنزل معاكي أنا أصلا جعان ؟
بجد ؟ طب اشطة خلاص هخلص الحصة دي وننزل :D
في مشهد درامي ... أرجع خطوتين للخلف ... تميم إنت ... إنت زي ماما على فكرة ...
(هو ) أنا بدعوكي للفساد !!!
حقيقة !
في نفسي ( سارة البرجر غداكي النهاردة هتاكلي بالليل شوفان وخلاص )
4- ماما عاملة قلقاس أخضر ( بسلق ) وده كان نفسي فيه من سنة ماهي حبكت النهاردة !!
5- صديقة سورية تقابلني ... سارة جبتلك مجدوس .... عاملاه بايدي عشان تدوقيه :D
( المجدوس أو المكدوس ده عبارة عن بتنجان مخلل بالشطة وعين الجمل :D ) أحبك يا سوريا
6- (خالتو ) سارة أنا عاملة مسقعة ......
لا يا خالتو على آخري أكلت قلقاس
طيب دوقيها بس
يا خالتو بلاش ( أنا بحب المسقعة خلقة مش ناقصة )
طيب بصي هحطلك شوية في علبة
لأ بلاش ..... ثم أدوق المسقعة .... طيب بصي يا خالتو خليها علبة صغيرة أوي :D
7- لأ يا سارة مش هنعك بقى ... بصي بكرة الصبح دوقيهم
طيب أنا بس هشوف المكدوس ده ... مش هاكل معاه عيش حتة صغيرة !!
ايه ده الله يحرقك ده حراق ... عيش بقى يا سارة الله يكرمك هموت :D
طيب بصي هو اليوم اتعك خلينا نغمس لقمة مسقعة .... الله بالعيش أحلى
الديناميت ده عاوز كباية بيبسي !!! :)
طيب بس بعدها هشرب شاي أخضر :D
وعليه
أنا أسفة يا إبراهيم :D
يا ريتني ما اتريقت عليك وشجعتك .... أصحابي اللي بيعملوا دايت خسوا وهبدأ زي الباشا لوحدي ... حتى تميم ظبط الجيم وخس !
وكل الشيكولاتات بتحلو فجأة
وبرطمان نوتيلا بيظهر فجأة
وريحة كل الأكلات اللي بتحبها بتحاصرك
كإن الكون مستني إنك تعلن إنك هتبدأ دايت مصغر ومخفف بس عشان يخليك ترجع في كلامك !!!!!!!
وبعد كل هذه الأفكار المؤسفة اتعلمت حاجتين
إن الدايت يا بيبي زي أغنية الحظر يا بيبي ............... كلها طموحات وأماني :D
وإن فعلا اللي يتريق على حد يتصاب ............ والصراحة أنا ياما اتريقت
وإن التريقة على 4 كيلو !!! وصلت معايا إني لازم أخس 8 كيلو :D :D
كل دايت وانتم بخير
أولا التدوينة دي خارج السياق خالص !
وقبل ما أبدأ بالمؤامرة الكونية اللي بتحصل على كل واحدة غلبانة عاوزة تعمل دايت ، هعترف اعتراف :D
فيه مثل بيقول لا تعيب عيبا في أخيك فيعافيه الله ويبتليك
ودي بداية المشكلة :D
لما صديقي العزيز إبراهيم ( في تاني ظهور ليه على خشبة مسرحي الهزلي ) يقولي ببراءة شديدة إنه عاوز يخس شوية !
أسيبه في حاله ؟ أشجعه ؟ أقوله برافو ؟ أقوله حتى زي ما أحيانا بحن عليه وأعطف وأقوله خلاص اعمل اللي يخليك مبسوط ؟ لأ طبعا لازمن أنكد عليه :D
فقعدت أتريق ، وأتباهى أدامه زي طاووس مغرور إني بخس بتلقائية شديدة جدا مع سحلة الشغل ومع شوية تظبيط بسيط في الأكل برجع بسهولة لمعدلاتي الطبيعية !
واللي طبعا بعرفها من اللبس فقط ! يعني آخر مرة اتوزنت لما كنت بحاول أكمل في سكة الجمباز وفشلت الحمد لله فشل ذريع :D
وده كان لما ....... ولا بلاش أحسن
أنا غير مهتمة بموضوع الوزن ده خالص لدرجة إني معرفش وزني ايه بس حاطة رقم تقديري ، وعارفة مقاسات لبسي كويس مع اختلاف الأقمشة والقصات وبالتالي بعرف نفسي بسرعة لما بتخن شويتين يعني ^_^
اللي حصل إني اتريقت عليه ، وتساءلت ايه ده هو فيه فعلا راجل مهتم بوزنه ( ودي جديدة عليا الصراحة أنما كل أصحابي بيعملوا دايت وده حلو جدا ليه بقى لأني باكل شيكولاتة براحتي وأغيظهم :D )
واللي حصل إني بعد أنتخة اسبوعين في البيت كان لازم أنزل الشغل !!! وإني قبل نزولي بكام يوم شبطت في أخويا ونزلت أتفرج ولو عجبتني حاجة أشتري يللا ( هواية ) المهم بردو .... أقنعت نفسي ان فيه لعب فظيع في موديلات السنة دي وانا عن نفسي اقتنعت لأني مبحبش التريكو أوي وهو بيتخن لوحده ( ده طبعا فشر للصبح لأن لو جسمك عدل كل الحاجات هتليق عليك )
اتوزنت واتصدمت بوزني وطلع ان هدومي فعلا اضيقت مش شتا ومش قولون ومش اني دبيت عالغدا قبل ما أنزل خالص !
المؤامرة الكونية !!!
قررت من يوم السبت أعمل دايت ! والحقيقة فشلت والحجة إني قاعدة في البيت !!! وعيد ميلاد ماما والتورتة وحرام وكده !
خلاص الاحد ! يااااااااااااااااااه أنا اتهديت النهاردة ومحتاجة طاقة !
بصي يا سارة بكرة !
النهاردة : 1- شربت قهوتي الصبح بسكر مظبوط
2- أكلت ساندويتشاتي !
3- تاني بريك !!! شعور عارم بالجوع الشديد ... مع ان معدتي فيها أكل !! ... تميم ! ( وتميم أجدع زميل شفته بيعمل دايت وخس فعلا وظبط أكله وكان وحش وجامد وتنين ) هاتلي شيبسي
الشيبسي بيتخن يا سارة وانت خلاص هتبدأي دايت !
صح ... طب هاتلي شيبسي بقى بدل ما أنزل أضرب برجر !
ايه ده ؟ طيب يللا وهنزل معاكي أنا أصلا جعان ؟
بجد ؟ طب اشطة خلاص هخلص الحصة دي وننزل :D
في مشهد درامي ... أرجع خطوتين للخلف ... تميم إنت ... إنت زي ماما على فكرة ...
(هو ) أنا بدعوكي للفساد !!!
حقيقة !
في نفسي ( سارة البرجر غداكي النهاردة هتاكلي بالليل شوفان وخلاص )
4- ماما عاملة قلقاس أخضر ( بسلق ) وده كان نفسي فيه من سنة ماهي حبكت النهاردة !!
5- صديقة سورية تقابلني ... سارة جبتلك مجدوس .... عاملاه بايدي عشان تدوقيه :D
( المجدوس أو المكدوس ده عبارة عن بتنجان مخلل بالشطة وعين الجمل :D ) أحبك يا سوريا
6- (خالتو ) سارة أنا عاملة مسقعة ......
لا يا خالتو على آخري أكلت قلقاس
طيب دوقيها بس
يا خالتو بلاش ( أنا بحب المسقعة خلقة مش ناقصة )
طيب بصي هحطلك شوية في علبة
لأ بلاش ..... ثم أدوق المسقعة .... طيب بصي يا خالتو خليها علبة صغيرة أوي :D
7- لأ يا سارة مش هنعك بقى ... بصي بكرة الصبح دوقيهم
طيب أنا بس هشوف المكدوس ده ... مش هاكل معاه عيش حتة صغيرة !!
ايه ده الله يحرقك ده حراق ... عيش بقى يا سارة الله يكرمك هموت :D
طيب بصي هو اليوم اتعك خلينا نغمس لقمة مسقعة .... الله بالعيش أحلى
الديناميت ده عاوز كباية بيبسي !!! :)
طيب بس بعدها هشرب شاي أخضر :D
وعليه
أنا أسفة يا إبراهيم :D
يا ريتني ما اتريقت عليك وشجعتك .... أصحابي اللي بيعملوا دايت خسوا وهبدأ زي الباشا لوحدي ... حتى تميم ظبط الجيم وخس !
وكل الشيكولاتات بتحلو فجأة
وبرطمان نوتيلا بيظهر فجأة
وريحة كل الأكلات اللي بتحبها بتحاصرك
كإن الكون مستني إنك تعلن إنك هتبدأ دايت مصغر ومخفف بس عشان يخليك ترجع في كلامك !!!!!!!
وبعد كل هذه الأفكار المؤسفة اتعلمت حاجتين
إن الدايت يا بيبي زي أغنية الحظر يا بيبي ............... كلها طموحات وأماني :D
وإن فعلا اللي يتريق على حد يتصاب ............ والصراحة أنا ياما اتريقت
وإن التريقة على 4 كيلو !!! وصلت معايا إني لازم أخس 8 كيلو :D :D
كل دايت وانتم بخير
ليست هناك تعليقات:
إرسال تعليق