معلش ... المرة دي عامية يمكن يتخللها فصحى ! #الغزالة
كانت السيدة رضوى عاشور تقول إنها يوميا تحمل سلتين من الأمل ... كنت بشوفها زي ذات الرداء الأحمر ومعاها سلال التفاح :)
تمشي توزع بين الورد والتفاح عالبئسانين والزعلانين ... يمكن تنور في قلوبهم وعنيهم شمعة !
وسط سنة من الشغل ... مرت عليا أيام ملونة ... وأيام غامقة ... وأيام كانت الغيوم فيها رمادية أوي ومخيفة أوي ... كان الليل فيها أشد سواداً من أي وقت مضى !
السنة دي أنا كبرت فيها أكتر من 10 سنين فعلا ! الحزن والهم والوجع والألم اللي كان عميق بشكل لا يحتمل ... بستغرب نفسي إني اتحملت !
بستغرب إني لسة عايشة ... إني مستسلمتش لفكرة إني أقطع شراييني وأراقب الدم لحد دلوقتي ... إن فيه صوت كنت بسميه غبي جوايا بيقول إنه يمكن الشمس تطلع تاني وقوس قزح ينور !
الحقيقة أنا مش عارفة قوس قزح فعلا ظهر ولا لأ ؟ إن الشمس منورة ولا لسة الغيوم كاسية سما قدري وحظي ... أنا مش عارفة غير إن فيه بصيصص نور ظهر ماشية عليه خطوة بخطوة !
اكتشفت أصدقائي من جديد :) ... اكتشفت أمي وأبويا وأخويا من جديد ... اكتشفت الحب من جديد .. اكتشفت لهفة عينيهم وخوفهم وحنانهم وحبهم ودفاهم من جديد ... اكتشفت أصدقاء جداد ... وزاد حبي على الحب لهم ... عينين بتطل بالحب والرحمة ... الود .. مش نظرات شفقة ولا عطف ولا استخفاف بالوجع ... نظرات احترام وإجلال لحجم الحزن ... كإن للحزن عظمة ومكانة !!
اكتشفت الحضن من جديد :)
صحيح كوني مدرسة أطفال ومراهقين وأطفال أكتر الحقيقة .. بيعلمني إن الحضن ده بيختصر الكلام لكائنات ملائكية بريئة مش عارفة تعبر فتجري تحضنك ... تحضن وسطك .. دراعك .. رجليك ... لكن السنة دي اكتشفت معاني أكتر للحضن ده :)
يمكن اتعلمت لأول مرة أتكلم بيه .. وأعبر عن الحاجات اللي أحيانا بعجز أو أتكسف أقولها !! :)
اكتشفت إن الحضن ده لو مهم للأطفال عشان يكبروا بحالة سوية نفسياً فإحنا محتاجينه عشان نحاول نحافظ على طفولتنا جوانا !
اكتشفت إن فيه أحضان بالصوت ... وبالكلام ... فيه أحضان برسالة الصبح تفاجئك ... فيه أحضان بدعوة حد يدعيهالك فتلاقيها فرجت كده من وسع وان مش عارف :)
يمكن اتعلمت السنة وعملت كده ... إني أدي للناس أحضان كتير ... إني أروح لحد زعلان وأديله الحضن ده من غير ما يطلبه
أصل إحنا لما كبرنا فاكرينا نفسنا كبار على إننا نقول لحد يحضنا ... يحضنا عشان خايفين أو مرهقين أو خلاص تعبنا وفقدنا كمية طاقة كبيرة ومحتاجين حضن شحن !
مواقف كتير حصلت معايا ... زميلات حلوت زي الفراشات ألاقيهم بيدوني حضن ... واحدة حضنتني جامد أوي قالتلي حسيتك محتاجاه :) متزعليش واضحكي لسة الحياة فيها :) العجيب مسكت دموعي وضحكت .. العجيب إني كملت اليوم بضغط وتوتر أقل :)
أطفال ... عينيهم بتشع من الحب والنور والبراءة .. أحضان كتير وسع السما مع إن الايدين صغيرة والدراع قصير ... بس أد السما :)
كانت عينيها مطفية .... حسيتها ... رحت وحضنتها جامد ... أنا بحاول أردلها يومي الوحش اللي هي خلته حلو بضحكتها ... وهي كانت بتتأمل ضحكتي مع الأطفال ... بتتأمل كلامي معاهم وأحضان السما والحب الطاير ... كل اللي فكرت فيه هي إزاي بتديني قوة وأمل بضحكتها كل يوم الصبح أنا لازم أكون شخص أفضل ... وهي بتفكر إزاي هي مش شايفة نعمة الأطفال دول وحبهم وأنا قادرة أشوفه .. وإنه أكيد هي الغلطانة ولازم تغير نظرتها !! مع إنها هي اللي خليتني أغير نظرتي :) بسمات الصباح حلوة أوي متحرموش الناس منها :)
حد يفاجئك بحاجة حلوة ... شيكولاتة .. مصاصة ... جيلي كولا .. ياااه اليوم المغيم في عيوني على الأقل بيتغير :)
الهم مكانه والحزن قابع في الركن الأخير من روحي بيقتل فيها ويغتصب النور ..
لكن ... بضحك :)
بياعين الفرح في حياتي ... طول السنة يبعتولي ورد وشيكولاتة وكتب :) وأحضان وكلام حلو أوي ومزيكا
طول السنة قاعدين يشحنوني طاقة وأنا بطاريتي كانت مخرومة تقريبا ... كنت بقول مفيش فايدة .. بس طلع فيه :) وخلو أيامي السيئة تكون أخف وأرحم كتير :)
بياعين الفرحة كانو بيشتروا دموعي الحزينة والغير مبررة والغير مفهومة ... كانو بيستحملوا كلامي المكرر وعنيا المطفية وجنوني المفاجيء وضحكتي العالية لما تطل :)
بياعين الفرحة كانو حواليا في كل مكان .... هم دايما موجودين .. بيتبادلوا الأدوار مش أكتر ... كل الفكرة إني عمري ما كنت هشوفهم لو كانت الغيوم فضلت واقفة على عنيا !!
بياعين الفرحة كانو في مكان شغلي ... لما حد يقابلك الصبح بابتسامة .. ولما حد يحطلك شيكولاتة .. ولما حد يتعب نفسه ويجيب كب كيك .. ولما حد يقولك الله شكلك حلو النهاردة ... ولما حد يلاقيك طهقان يطبطب ويقولك كبر مخك .. طظ .. مش قضية ... هتعدي يا بنتي حارقة نفسك ليه !!
بياعين الفرحة طول الوقت بيعلموني .. طول الوقت بيجبروني أصحى الصبح أمسك سلة أمل وأوزع منها
بياعين الأمل في شغل ... شغلوا دماغي أوي ... حسيت إني عاوزة مرة أخد طرف الخيط .. أخد الدور واللعبة ..
قررت أعمل حاجة صغيرة أوي جنب اللي كل واحدة فيهم بتعمله طول السنة
قررت أجيب شيكولاتة صغيرة خالص وورق ملون وأكتب أساميهم ... أسامي كل أصحاب الحب والأمل والضحك والفرحة :) حتى الشوية دول اللي كان بينا بس موقف صامت عبارة عن بسمة :)
العجيب إنهم فرحوا أوي ... والأعجب إنهم ادوني طاقة أمل أكبر وطاقة حب أكبر ... وكمية أحضان تكفيني شوية في غيابهم :)
أحضان مفاجئة وأحضان دافية وأحضان بتضحك ... تخيل لما حضن يكون بيضحك ^_^
النهاردة ... حضنت ولادي ... حضنت كل اللي هيوحشوني في الأجازة :) ... عرفت أمسك دموعي امبارح لما حضنت إيهاب الولد الجميل اللي أول سنة ليه في مصر من خمس سينين والعربي بتاعه مكسر .. عرفت أمسك دموعي لما حضنت أشرف قبله .. أشرف هرب بعينيه مني امبارح ... هرب عشان دموعه متنزلش ... وداع مكنش متخيل إنه هيكون دافي كده بعد سنة كلها شقاوة ومد وجذر
مكنتش متخيله إني بحبه كده وإنه كمان بيحبني ومتأثر إنه راجع أمريكا تاني !
النهاردة ضحكت مع إيهاب اللي أخد تحذير شديد اللهجة إمبارح إنه لو عيطت هعيط !
النهاردة ضحكنا
النهاردة مشيت بضحك
النهاردة خرجت من باب شغلي وأنا مش فاكرة حاجة وحشة شخصية لحد :)
النهاردة حسيت إني ممكن أكمل ... بشوية خوف وحزن وهم ووجع موجودين في مكانهم متغيرش ... بس مش واقفين ادامي .. واقفين ورايا ...
حاولوا تشوفوا بياعين الفرحة حواليهم :) وحاولوا تاخدوا الدور منهم في يوم :)
أنا محكيتش عن كل الناس ... يمكن قلت أكتر عن شغلي ... بس فيه أكتر لو بصيت بعين الحب لكل واحد حواليا ... حتى الأشرار ! :)
انا محظوظة ... بس مش محظوظة أكتر منكم :) .... أنا كنت شايفة الدنيا أسود مما تتخيلوا ... أنا كنت بفكر في الموت أكتر ما بفكر في الأكل :D أيوة بحب الأكل ... أنا كنت بفكر في المرض والانتحار والقتل والدم والقبور والأكفان أكتر ما بفكر الربيع هتكون ريحته إيه السنة دي !
فتحوا عينيكم بس ... هتلاقوا حواليكم البياعين كتير .. حاولوا تستمتعوا بوجودهم
عارفين ايه خلاني أستمتع ؟ إحساس قاتل إن بكرة مش هكون هنا :) ببساطة !
الاكتئاب مر وقاتل ... ولحد اللحظة دي مش عارفة هكون موجودة أشوف ردودكم عليا ؟ ولا هموت قبلها وهموت إزاي !
افتحوا عينيكم ... اسمحولهم يقربوا
وانتم .. لما حد يبعد خلوكم مصرين تقربوا ... لما حد يقفل الباب على نفسه افضلوا واقفين عالباب ... متيأسوش ... ممكن في لحظة يأسكم منه يكون خارج يلاقي الكون حواليه فاضي يرجع يموت لوحده !!
اتقووا ببعض ... اسندوا واتسندوا على بعض ... دفوا بعض زي الكتاكيت في الشتا ... وزعوا أحضان وحب وشيكولاتة ^_^
كانت السيدة رضوى عاشور تقول إنها يوميا تحمل سلتين من الأمل ... كنت بشوفها زي ذات الرداء الأحمر ومعاها سلال التفاح :)
تمشي توزع بين الورد والتفاح عالبئسانين والزعلانين ... يمكن تنور في قلوبهم وعنيهم شمعة !
وسط سنة من الشغل ... مرت عليا أيام ملونة ... وأيام غامقة ... وأيام كانت الغيوم فيها رمادية أوي ومخيفة أوي ... كان الليل فيها أشد سواداً من أي وقت مضى !
السنة دي أنا كبرت فيها أكتر من 10 سنين فعلا ! الحزن والهم والوجع والألم اللي كان عميق بشكل لا يحتمل ... بستغرب نفسي إني اتحملت !
بستغرب إني لسة عايشة ... إني مستسلمتش لفكرة إني أقطع شراييني وأراقب الدم لحد دلوقتي ... إن فيه صوت كنت بسميه غبي جوايا بيقول إنه يمكن الشمس تطلع تاني وقوس قزح ينور !
الحقيقة أنا مش عارفة قوس قزح فعلا ظهر ولا لأ ؟ إن الشمس منورة ولا لسة الغيوم كاسية سما قدري وحظي ... أنا مش عارفة غير إن فيه بصيصص نور ظهر ماشية عليه خطوة بخطوة !
اكتشفت أصدقائي من جديد :) ... اكتشفت أمي وأبويا وأخويا من جديد ... اكتشفت الحب من جديد .. اكتشفت لهفة عينيهم وخوفهم وحنانهم وحبهم ودفاهم من جديد ... اكتشفت أصدقاء جداد ... وزاد حبي على الحب لهم ... عينين بتطل بالحب والرحمة ... الود .. مش نظرات شفقة ولا عطف ولا استخفاف بالوجع ... نظرات احترام وإجلال لحجم الحزن ... كإن للحزن عظمة ومكانة !!
اكتشفت الحضن من جديد :)
صحيح كوني مدرسة أطفال ومراهقين وأطفال أكتر الحقيقة .. بيعلمني إن الحضن ده بيختصر الكلام لكائنات ملائكية بريئة مش عارفة تعبر فتجري تحضنك ... تحضن وسطك .. دراعك .. رجليك ... لكن السنة دي اكتشفت معاني أكتر للحضن ده :)
يمكن اتعلمت لأول مرة أتكلم بيه .. وأعبر عن الحاجات اللي أحيانا بعجز أو أتكسف أقولها !! :)
اكتشفت إن الحضن ده لو مهم للأطفال عشان يكبروا بحالة سوية نفسياً فإحنا محتاجينه عشان نحاول نحافظ على طفولتنا جوانا !
اكتشفت إن فيه أحضان بالصوت ... وبالكلام ... فيه أحضان برسالة الصبح تفاجئك ... فيه أحضان بدعوة حد يدعيهالك فتلاقيها فرجت كده من وسع وان مش عارف :)
يمكن اتعلمت السنة وعملت كده ... إني أدي للناس أحضان كتير ... إني أروح لحد زعلان وأديله الحضن ده من غير ما يطلبه
أصل إحنا لما كبرنا فاكرينا نفسنا كبار على إننا نقول لحد يحضنا ... يحضنا عشان خايفين أو مرهقين أو خلاص تعبنا وفقدنا كمية طاقة كبيرة ومحتاجين حضن شحن !
مواقف كتير حصلت معايا ... زميلات حلوت زي الفراشات ألاقيهم بيدوني حضن ... واحدة حضنتني جامد أوي قالتلي حسيتك محتاجاه :) متزعليش واضحكي لسة الحياة فيها :) العجيب مسكت دموعي وضحكت .. العجيب إني كملت اليوم بضغط وتوتر أقل :)
أطفال ... عينيهم بتشع من الحب والنور والبراءة .. أحضان كتير وسع السما مع إن الايدين صغيرة والدراع قصير ... بس أد السما :)
كانت عينيها مطفية .... حسيتها ... رحت وحضنتها جامد ... أنا بحاول أردلها يومي الوحش اللي هي خلته حلو بضحكتها ... وهي كانت بتتأمل ضحكتي مع الأطفال ... بتتأمل كلامي معاهم وأحضان السما والحب الطاير ... كل اللي فكرت فيه هي إزاي بتديني قوة وأمل بضحكتها كل يوم الصبح أنا لازم أكون شخص أفضل ... وهي بتفكر إزاي هي مش شايفة نعمة الأطفال دول وحبهم وأنا قادرة أشوفه .. وإنه أكيد هي الغلطانة ولازم تغير نظرتها !! مع إنها هي اللي خليتني أغير نظرتي :) بسمات الصباح حلوة أوي متحرموش الناس منها :)
حد يفاجئك بحاجة حلوة ... شيكولاتة .. مصاصة ... جيلي كولا .. ياااه اليوم المغيم في عيوني على الأقل بيتغير :)
الهم مكانه والحزن قابع في الركن الأخير من روحي بيقتل فيها ويغتصب النور ..
لكن ... بضحك :)
بياعين الفرح في حياتي ... طول السنة يبعتولي ورد وشيكولاتة وكتب :) وأحضان وكلام حلو أوي ومزيكا
طول السنة قاعدين يشحنوني طاقة وأنا بطاريتي كانت مخرومة تقريبا ... كنت بقول مفيش فايدة .. بس طلع فيه :) وخلو أيامي السيئة تكون أخف وأرحم كتير :)
بياعين الفرحة كانو بيشتروا دموعي الحزينة والغير مبررة والغير مفهومة ... كانو بيستحملوا كلامي المكرر وعنيا المطفية وجنوني المفاجيء وضحكتي العالية لما تطل :)
بياعين الفرحة كانو حواليا في كل مكان .... هم دايما موجودين .. بيتبادلوا الأدوار مش أكتر ... كل الفكرة إني عمري ما كنت هشوفهم لو كانت الغيوم فضلت واقفة على عنيا !!
بياعين الفرحة كانو في مكان شغلي ... لما حد يقابلك الصبح بابتسامة .. ولما حد يحطلك شيكولاتة .. ولما حد يتعب نفسه ويجيب كب كيك .. ولما حد يقولك الله شكلك حلو النهاردة ... ولما حد يلاقيك طهقان يطبطب ويقولك كبر مخك .. طظ .. مش قضية ... هتعدي يا بنتي حارقة نفسك ليه !!
بياعين الفرحة طول الوقت بيعلموني .. طول الوقت بيجبروني أصحى الصبح أمسك سلة أمل وأوزع منها
بياعين الأمل في شغل ... شغلوا دماغي أوي ... حسيت إني عاوزة مرة أخد طرف الخيط .. أخد الدور واللعبة ..
قررت أعمل حاجة صغيرة أوي جنب اللي كل واحدة فيهم بتعمله طول السنة
قررت أجيب شيكولاتة صغيرة خالص وورق ملون وأكتب أساميهم ... أسامي كل أصحاب الحب والأمل والضحك والفرحة :) حتى الشوية دول اللي كان بينا بس موقف صامت عبارة عن بسمة :)
العجيب إنهم فرحوا أوي ... والأعجب إنهم ادوني طاقة أمل أكبر وطاقة حب أكبر ... وكمية أحضان تكفيني شوية في غيابهم :)
أحضان مفاجئة وأحضان دافية وأحضان بتضحك ... تخيل لما حضن يكون بيضحك ^_^
النهاردة ... حضنت ولادي ... حضنت كل اللي هيوحشوني في الأجازة :) ... عرفت أمسك دموعي امبارح لما حضنت إيهاب الولد الجميل اللي أول سنة ليه في مصر من خمس سينين والعربي بتاعه مكسر .. عرفت أمسك دموعي لما حضنت أشرف قبله .. أشرف هرب بعينيه مني امبارح ... هرب عشان دموعه متنزلش ... وداع مكنش متخيل إنه هيكون دافي كده بعد سنة كلها شقاوة ومد وجذر
مكنتش متخيله إني بحبه كده وإنه كمان بيحبني ومتأثر إنه راجع أمريكا تاني !
النهاردة ضحكت مع إيهاب اللي أخد تحذير شديد اللهجة إمبارح إنه لو عيطت هعيط !
النهاردة ضحكنا
النهاردة مشيت بضحك
النهاردة خرجت من باب شغلي وأنا مش فاكرة حاجة وحشة شخصية لحد :)
النهاردة حسيت إني ممكن أكمل ... بشوية خوف وحزن وهم ووجع موجودين في مكانهم متغيرش ... بس مش واقفين ادامي .. واقفين ورايا ...
حاولوا تشوفوا بياعين الفرحة حواليهم :) وحاولوا تاخدوا الدور منهم في يوم :)
أنا محكيتش عن كل الناس ... يمكن قلت أكتر عن شغلي ... بس فيه أكتر لو بصيت بعين الحب لكل واحد حواليا ... حتى الأشرار ! :)
انا محظوظة ... بس مش محظوظة أكتر منكم :) .... أنا كنت شايفة الدنيا أسود مما تتخيلوا ... أنا كنت بفكر في الموت أكتر ما بفكر في الأكل :D أيوة بحب الأكل ... أنا كنت بفكر في المرض والانتحار والقتل والدم والقبور والأكفان أكتر ما بفكر الربيع هتكون ريحته إيه السنة دي !
فتحوا عينيكم بس ... هتلاقوا حواليكم البياعين كتير .. حاولوا تستمتعوا بوجودهم
عارفين ايه خلاني أستمتع ؟ إحساس قاتل إن بكرة مش هكون هنا :) ببساطة !
الاكتئاب مر وقاتل ... ولحد اللحظة دي مش عارفة هكون موجودة أشوف ردودكم عليا ؟ ولا هموت قبلها وهموت إزاي !
افتحوا عينيكم ... اسمحولهم يقربوا
وانتم .. لما حد يبعد خلوكم مصرين تقربوا ... لما حد يقفل الباب على نفسه افضلوا واقفين عالباب ... متيأسوش ... ممكن في لحظة يأسكم منه يكون خارج يلاقي الكون حواليه فاضي يرجع يموت لوحده !!
اتقووا ببعض ... اسندوا واتسندوا على بعض ... دفوا بعض زي الكتاكيت في الشتا ... وزعوا أحضان وحب وشيكولاتة ^_^
ليست هناك تعليقات:
إرسال تعليق